एका कार्यक्रमासाठी जाताना सहज शहा गावात आलेले राष्ट्रवादी युवक काँग्रेचे प्रदेश कार्याध्यक्ष डॉ. शशिकांत तरंगे यांना पाहताच कार्यकर्त्यांची प्रचंड गर्दी झाली, शहा गावातील लोकांचे आणि डॉ. शशिकांत तरंगे यांचं राजकारणा पलीकडील एक मैत्रीचे संबंध आहेत. शंभू महादेव मंदिरात दर्शन घेतल्यानंतर ते चहापानासाठी कार्यकर्त्यांच्या आग्रहास्तव मंदिरातच बसले. यावेळी कार्यकर्त्यांना मार्गदर्शन करत होते.
अजित दादांच्या कामाची पद्धत सर्वांना माहीत आहे. जात-पात, गट-तट न पाहता आलेली व्यक्ती आपलीच आहे असे समजून अजितदादा जनतेची कामे करत असतात. अजितदादांनी नेहमीच सामान्य जनतेच्या प्रश्नांना महत्त्व दिले आहे. कोणतेही काम असेल की वेळ न दडवता ते पूर्ण करण्यावर अजितदादांचा भर असतो. अजित दादांनी केलेले काम याची पोहोच म्हणून महायुतीच्या उमेदवार सौ. सुनेत्रा पवार यांना प्रचंड मताधिक्याने निवडून देऊन लोकसभेत पाठवायचे आहे. त्यासाठी सर्व कार्यकर्त्यांनी सक्रिय व्हावे, असेही राष्ट्रवादी युवक काँग्रेसचे प्रदेश कार्याध्यक्ष डॉ. शशिकांत तरंगे यांनी म्हटले आहे. यावेळी मा.सरपंच विष्णू पाटील, धनाजी इजगुडे, प्रकाश पाटील, लहू निकम, बलभीम गंगावणे, आबासाहेब देवकाते, नितीन निकम, तानाजी इजगुडे, किशोर धाईंजे,रोहिदास इजगुडे, बाबासाहेब गंगावणे, संतोष पाटील, बाबासाहेब निकम, तानाजी गंगावणे, महादेव लांडगे, लालासो भोई, दादासो भोई, अशोक भोई व इतर कार्यकर्ते मोठ्या संख्येने उपस्थित होते.