ता.इंदापूर मौजे सुगाव येथे ग्रामस्थांना मार्गदर्शन करण्यासाठी ॲड. राहुल मखरे गेले होते यावेळी मोठ्या संख्येने ग्रामस्थ उपस्थित होते.
भाजपा व मलिदा गॅंगला जनता वैतागली…
बारामती लोकसभा मतदारसंघातील महाविकास आघाडीच्या उमेदवार खासदार, संसदरत्न सुप्रियाताई सुळे यांच्या प्रचारार्थ बहुजन मुक्ती पार्टीचे राष्ट्रीय महासचिव ऍड. राहुल मखरे यांच्या खेडोपाडी बैठका सुरू आहेत. या बैठकांना विरोधकांना आमदार, खासदार, मंत्री, जिल्हा परिषद सदस्य, पंचायत समिती सदस्य, ग्रामपंचायत सदस्य, सरपंच, सोसायट्यांचे चेअरमन, संचालक, संस्था, पतसंस्था, शैक्षणिक संस्था, खाजगी /सहकारी बॅंका यांचे कर्मचारी त्यांना फुकटचे पेट्रोल देऊन प्रचारासाठी विरोधकांनी फिरवून सुध्दा त्यांना जनतेचे समर्थन भेटत नाही.
परंतु, कोणत्याही परिस्थितीत संविधानविरोधी, मनुवादी विचारसरणीला अप्रत्यक्षपणे फायदा उचलू देणाऱ्या विरोधी उमेदवाराच्या विरोधातच नाही तर बहुजन महापुरुषांची विचारधारा टिकवण्यासाठी, चळवळ वाढवण्यासाठी, आजच्या घडीला भाजपाला रोखणे आवश्यक आहे. त्यामुळे कशाचीही पर्वा न करता फक्त विचारधारेसाठी स्वखर्चाने, स्वयंस्फूर्तीने सुप्रियाताई सुळे यांच्या प्रचाराचे निमित्ताने बहुजन समाजातील महापुरुषांची विचारधारा तळागाळातील लोकांपर्यंत पोहचवण्यासाठी ॲड.राहुल मखरे हे जिवाचे रान करीत आहेत.आणि विरोधी आमदार, खासदार आणि मंत्र्यांना जेवढे समर्थन भेटताना दिसत नाही तिथे ॲड. राहुल मखरे यांना समर्थन मिळत आहे. याचा अर्थ जनता भाजपाला आणि मलिदा गँगला वैतागली आहे.
